As Aulas do Programa de Maiores da Facultade de Ciencias da Educación do Campus de Ourense na Universidade Vigo participarán un ano máis en Galisenior, o Salón Internacional das Persoas Maiores, que se celebrará en Expourense os días 9 e 10 de maio.
Mobilizarán aos seus alumnos para participar nas actividades de Galisenior e tamén contarán cun stand onde promoverán as campañas e accións que realizan ao longo do ano. O ccordinador destas aulas é o profesor Alberto Vaquero, quen é tamén presidente do comité asesor de Galisenior 2018.
O Programa de Maiores é un proxecto educativo dirixido á poboación maior de 55 anos que pretende favorecer a súa incorporación á vida universitaria a través de programas de formación paralelos ás ensinanzas regulamentadas
As persoas matriculadas no Programa de Maiores do Campus de Ourense poderán participar en actividades lúdicas: excursións, obradoiros, coro, aula de teatro, visitas culturais, roteiros… Ademais, teñen a consideración de alumnado da Universidade de Vigo para poder gozarr das instalacións deportivas, culturais e de extensión universitaria propias da Universidade e dos seus descontos.
Máis información en: http://vicou.uvigo.es/es/alumnado/programa-de-mayores
